怪獸公司,烏龜,屎

怪獸公司,烏龜,屎

今個星期同”豬頭”在屋企一齊睇「怪獸公司」,好耐冇見過”豬頭”勁大笑,佢笑的地方係大眼仔話: 「我又有才能,有能幹,如果我係女仔一定會嫁俾自己！」, ”豬頭”話: 「竟然有人仲自大過我,哈哈哈,真係自大的極至。」

咁都笑一餐,諗落又真係幾好笑wor.

第二天,”豬頭”又有搞笑野了,佢先係開房門時踢到屋企隻烏龜,唔太奇怪嗎?

最奇怪的係因為放佢隻龜的箱係放在廳的窗台的,佢點樣落到地下呀,成米咁高,”龜都跳落地,~.~

之後同佢出街食下午茶,佢又唔小心踩爛屎,佢話有個路人甲叫佢”睇住呀”,可惜通常叫得你”睇住呀,小心呀”,都已經中蕉了~~~佢話自己算好運咁都踩中~之後隻鞋仲要慢慢洗走果d黃色物體….我就話”豬頭”: 「原本都冇咁大範圍,你搞到果範圍大左好多wor。」

如果呢

今天拜山日,記得傻"豬頭"有時會講d無聊野「有野留返拜山先講」,哈~
今日又見到"豬頭",
我: 豬頭呀,我話如果呢,如果..
豬頭: 可唔可以唔好講如果呀,好似有d嚇人~(如果....買鑽石,買衫,買樓)
我: 口頭嬋,唔改得wor,我話如果呢,如果..
豬頭: .......
我: 如果今晚食大餐,好唔好?
豬頭: 好, 唔駛加如果la...哈~ (一笑)
<<豬頭舅母在拜山地方做護衛員>>
豬頭(無聊地說): 妳唔野電話搵下舅母話我上來搵妳
我: ...... (無言以對)

我的好x麻煩男友簡介

我的好x麻煩男友簡介

我的好x麻煩男友”豬頭”是我的男友,我愛他的是他的唔正經,講無聊野,傻更更的,帶給我好開心好開心的感覺。希望藉此向大家分享,讓大家在沉悶的生活中找一點歡樂。

第1回: (吉之島,火腿)

尋日同”豬頭”去吉之島行街街,佢就最鍾意去超級市場行la,因為佢好鍾意食”好”野,行到去見到有巴拿馬風乾火腿試食,佢食左件好好食,

豬頭: 食完好耐成口都仲有味,正~可以用4字詞語形容~~~

我: 齒頰留香

豬頭: 嗯,仲有呢?

我: “繞樑三日”呀

豬頭: “繞樑三日”通常唔係d仔女同阿媽講咩?”妖””娘”wor….

我:   …… (勁爛) ~.~

我:   咁好食不如買一包返去試下夾麵包食呀,好好食wor

豬頭:  一d 都唔夠奢侈,我地要食得奢侈d,更係哈密瓜配巴拿馬風乾火腿la…

豬頭:   (回想語句…),好似講得怪怪地wor,多數人都係叫人慳d,節儉d,邊會有人叫人食得奢侈d 架~~~

我: hehe~~~~~